देवकीकृतम् विष्णुस्तोत्रम्

।। देवकीकृतम् विष्णुस्तोत्रम् ।।

🪷

जगतामीश्वरेशेश ज्ञानज्ञेयभवाव्यय ।

समस्तदेवतादेव वासुदेव नमोस्तुते ।।

प्रधानपुंसोरजयोर्यः कारणमकारणम् ।

अविशेष्यमजं रूपं तव तस्मै नमोस्तुते ।। 

त्वं प्रधानं पुमांश्चैव कारणाकारणात्मकः ।

सदसच्चाखिलं देव केनोक्तेन तव स्तवः ।।

प्रसीद देव देवानामरिशातन वामन ।

लोभाभिभूता यदहं वरयामि प्रयच्छ तत् ।।

।। श्रीविष्णुधर्मेषु नवतितमोध्यायान्तर्गतं देवकीकृतं विष्णुस्तोत्रं सम्पूर्णम् ।।